Li gorî medyaya DYE’yê her ku diçe Joe Biden û derdora wî zêdetir difikirin û xwe ji pêşbirka serokatiyê bidin paş û tê gotin, dibe ku Joe Biden dawiya vê hefteyê wezifeya xwe ya serokatiyê dewr bike.
Tevî zextan jî Serokê Demokrat Joe Biden hê jî bi awayekî fermî dev ji têkoşîna xwe bernedaye. Lê belê li gorî medyaya mezin a DYE’yê Joe Biden êdî vê yekê paşguh nake.
Medyaya Emerîkî vê rewşê ji bo Joe Biden weke destpêka dawiyê nîşan dide. Her çend ji hilbijartinên serokatiyê re 3 meh mane jî, aliyên demokrat naxwazin ku li hemberî Donald Trump ê komarparêz li gel Joe Biden dewam bikin.
Spekulasyonên ku wê Joe Biden wezifeya xwe ya serokatiyê dewr bike, her ku diçe zêde dibin.
Her wiha li gorî gelek ajans, rojname û kesên ji partiya Biden, Joe Biden wê ji kampanyayên hilbijartinê vekişe û wezîfeya xwe dewr bike.
Lê belê li gorî daxuyaniya kesekî li nêzî Biden, têkildarî vê mijarê hê biryareke dawî nehatiye girtin.
