Artêşê di daxuyaniyeke kurt de got: "Beriya niha bi demeke kin, duh (Şemî), ji bo bersivdayina êrîşa li dijî Girên Golanê, balafirên şer li binesaziya terorê ya li Sûriyeyê xistine.”

Roja Şemiyê hate ragihandin ku 2 cîsmên ku ji Sûriyeyê hatin avêtin li herêmên çolter ên Girên Golanê ketine û li herêmê dengên hişyariya roketan hatine bihîstin.

Îsraîl roja Înê piştî balafirek bêmirov ku ji Sûriyeyê hatibû şandin û li dibistaneke Eilat (li başûrê Îsraîlê) ket, Sûriyeyê bombebaran kir.

Îsraîlê di sala 1967’an de di şerê Ereb-Îsraîl de beşek ji Girên Golanê bi dest xistibû û di sala 1981’ê de herêm îlheq kiribû. Ev îlheqî ji aliyê Neteweyên Yekbûyî ve nayê naskirin.