Berdevkê hikumeta Îranê Alî Rabîî bi wesîleya hilbijaritnên 3'ê Mijdarê helwesta xwe ya têkildarî bernameya nukleerê ya sala 2015'an hate îmzekirin eşkere kir.

Rabîî diyar kir ku dûrî ji kesayetê di hilbijartinê de bi ser bikeve, eger DYE ji nû ve li peymanê vegere, wê piştgiriya vê yekê bike û anî ziman ku biryara Donald Trûmp a vekişînê, zerar da aborî û gelê Îranê.

Rabîî destnîşan kir ku eger rêveberiya nû li peymanê vegere ew ê garantiyê bixwazin.

Rabîî got, "Washîngton ji bo ev hewldanên li dijî hiqûqê dubare nebe, divê garantiyê bide."

Peymana Nukleerê ku sala 2015'an hate îmzekirin û DYE, Elmanya, Fransa, Rûsya, Çîn, Brîtanya û Îran aliyê wê ne, di berdêla ku Îran navendên xwe yên nukleerê ji çavdêrên navneteweyî re veke, pêkanîna navneteweyî ya li ser Îranê bê rakirin. Lê belê Donald Trûmp ê ku Çileya 2017'an dest bi wezîfeyê kir, di sala 2018'an de ji evê peymana ku weke peymaneke 'nebaş' bi nav dikir vekişiya û pêkanînên nû yên aboriyê danî ser Îranê.

Namzetê Partiya Demokrat Joe Bîden ku şensê xwe bilind e ku di hilbijartinên 3'ê Mijdarê de bi ser bikeve, dema ku peymana navborî hate îmzekirin alîkarê Serokê wê demê Barack Obama bû. Bîden soz dide ku dema bi ser bikeve wê li peymanê vegere û tevî vê yekê di mijara bernameya nukleerê ya Îranê de çareseriya dîplomatîk derxîne pêş.