YPG’ê nasnameya 7 şehîdên ku Îlona 2014’an şehîd bûbûn eşkere kir
YPG’ê bi daxuyaniyeke nivîskî nasnameya 7 şehîdan ku Îlona 2014’an li Kobanê û Serêkaniyê şehîd bûbûn ragihand.
YPG’ê bi daxuyaniyeke nivîskî nasnameya 7 şehîdan ku Îlona 2014’an li Kobanê û Serêkaniyê şehîd bûbûn ragihand.
Navenda Ragihandinê ya YPG’ê bi daxuyaniyeke nivîskî nasnameya 7 şehîdan ku Îlona 2014’an li Kobanê û Serêkaniyêşehîd bûbûn ragihand. YPG’ê di daxuyaniyê de got, sala 2014’an bi têkoşîn û berxwedana şehîdan bûye sala destpêka DAÎŞ’ê.
Daxuyaniya YPG’ê wiha ye:
"Sala 2014’an, li gel ku ji bo hêzên parastinê YPG û YPJ bû sala bilindkirina berxwedanê, ji bo koma çete ya DAIŞê jî bû sala destpêka têkçûna wê. Ev yek, di berxwedana li hember DAÎŞ’ê de jî, ku di serî de ji Tirkiyê, ji hêzên herêmî piştgiriya aborî û leşkerî girt û di 15’ê Îlona 2014’an li dijî Kobanê êrîş da destpêkirin, derketiye holê. Di sala 2014’ an de DAÎŞ, piştî ku li Îraq û Sûriyê hinek bajaran di nav saetan de bidest xist, fikirî ku ewê Kobanê jî bi heman awayî dagir bike û li ser vê fikrê dest bi êrîşan kir. Li hember van êrîşan hêzên me, ruxmê bêderfetî jî ji rojên destpêkê heya dawiyê berxwedanek lehengî raber kirin. Berxwedana ku bi Serzorî destpê kir li Miştenûrê herî geş bû. Di encama şerê dijwar yê 134 rojan de, di dîroka 26’ê Çileya 2015’an de çeteyên DAIŞê ji Kobanê bi temamî hatin derxistin. Berxwedana Kobanê di heman demê de bû dîroka destpêka tunebûna DAIŞê.
Di serxistina berxwedana li Kobanê, di serî de sekn û xebata bi sedan rêhevalên me yên ku bi ruhek bêhempa li ber xwe dan, sekna gelê me yê li her çar parçeyên welat jî diyarker bû. Gelek ciwanên ku ji her devera Kurdistanê berê xwe dan Kobanê, di serkeftina encamgir de bûn xwedî rolên girîng.
Rêheval Dilbirîn Şikakî yê ku ji Kurdistana Rojhilat û rêheval Aram Lewend, Mazlûm Ûrfa, Reşo Serêkaniyê, Serxwebûn Hanî û Zagros Ristem yên ji Bakurê Kurdistanê tevlî bûn di meha Îlonê ya ku destpêka şerê Kobanê û herwiha demên herî dijwar bû de şer kirin û şehîd ketin.
Nasnameyên rêhevalên me yên ku şehîd ketine wiha ye;
Nasnav: Aram Lewend
Nav û Paşnav: Reşîd Ozbey
Navê Dayikê: Xedîce
Navê Bav: Silêman
Cihê Jidayikbûnê: Sêrt
Cih û Demê Şehadetê: Kobanê / Îlona 2014’an
***
Nasnav: Dilbirîn Şikakî
Nav û Paşnav: Naîb Hesenzade
Navê Dayikê: Gulîşan
Navê Bav: Mihemed Resul
Cihê Jidayikbûnê: Xoy
Cih û Demê Şehadetê: Kobanê / Îlona 2014’an
***
Nasnav: Mazlum Urfa
Nav û Paşnav: Mustafa Yîgît
Navê Dayikê: Emîne
Navê Bav: Ehmed
Cihê Jidayikbûnê: Riha
Cih û Demê Şehadetê: Kobanê / Îlona 2014’an
***
Nasnav: Reşo Serêkaniyê
Nav û Paşnav: Fatîh Ebas
Navê Dayikê: Ayin Zelîxa
Navê Bav: Seyfedîn
Cihê Jidayikbûnê: Riha
Cih û Demê Şehadetê: Kobanê / 29’ê Îlonê 2014’an
***
Nasnav: Serxwebûn Hanî
Nav û Paşnav: Hayrullah Çîçek
Navê Dayikê: Fatma
Navê Bav: Abdullah
Cihê Ji Dayikbûnê: Amed
Cih û Demê Şehadetê: Kobanê / 23’ê Îlonê 2014’an
***
Nasnav: Zagros Rûstem
Nav û Paşnav: Velat Firat
Navê Dayikê: Leymun
Navê Bav: Îhsan
Cihê Jidayikbûnê: Riha
Cih û Demê Şehadetê: Kobanê / Îlona 2014’an
***
28ê Gulana 2014’an çeteyên DAIŞê yên ku dixwestin gundê Rawiya ya girêdayî Serêkaniyê dagir bikin, li hember bersiveke tund ya şervanên me hatin. Piştî şerên dijwar DAIŞ tevî windahiyên giran neçar ma paş ve bikişe. Di vî şerî de rêhevalek me heya guleya xwe ya dawî şer kir û şehîd bû. Nasnameya rêhevalê me yê ku şehîd ketiye wiha ye;
Nasnav: Xebat Botan
Nav û Paşnav: Orhan Omer
Navê Dayikê: Fayize
Navê Bav: Mihemed
Cihê Jidayikbûnê: Efrîn
Cih û Demê Şehadetê: Serêkaniyê - Gundê Rawiya / 28’ê Gulana 2014’an
Em hemû pakrewanên ku bi lehengiya xwe destanan nivîsandin bi rêzdarî bibîr tînin. Em soz didin ku emê di rêya wan de heya dawiyê bimeşin da ku em xeyalên wan yê azadiyê bicîh bînin.’’