Navenda Ragihand û Çapemeniyê ya YPGʹê têkildarî çalakiyên wan ên bersivdayînê yên rojên 23- 27ʹê Cotmehê yên li dijî artêşa Tirk a dagirker û çeteyên wê daxuyaniyek da û ev agahî parve kirin:

"Êrîşên artêşa Tirk a dagirker li hember heremên me bi dijwarî dewam dikin. Di gelek êrîşan  de gelê me tê hedefgirtin, şehîd û birîndarên sivîl çêdibin. Her wiha di van êrîşan de xisareke madî jî li gelê me dibe. Artêşa  Tirk a dagirker di êrîşan de tu pîvanên şer nas nake. Li hember van êrîşên hovane em di çarçoveya parastina rewa de, gelê xwe û destketiyên gelê xwe di bin her şert û mercan de diparêzin.

Di vê çarçoveyê de li hember êrîşên artêşa Tirk a dagirker di rojên 23 û 27’ê Cotmehê de, li heremên dagirkirî çalakiyên bersivdayinê hatin lidarxistin. Di encama van çalakiyan de 4 leşkerên artêşa Tirk a dagirker û 9 çete hatin kuştin. Di van çalakiyan de her wiha seyareyek, çekek A-4 û çekek bombeavêj hatin rûxandin.

Li hember êrîşên artêşa Tirk a dagirker çalakiyên me yên bersivdayinê wê dewam bikin."