Bi pêşengtiya Yekîtiya Xwendevanên Demokratîk bi sedan endamê Tevgera Ciwanên Şoreşger û Yekîtiya Jinên Ciwan meşek hate lidarxistin û bikaranîna çekên kîmyewî hate şermezarkirin. Li Şêxler jî ciwan li qadan bûn.
Li Kobanê bi pêşengtiya Yekîtiya Xwendevanên Demokratîk bi dirûşmeya “Li Dijî Kîmyewiyê Werin Seferberiya Tolhildanê” bi tevlîbûna sedan endamê Tevgera Ciwanên Şoreşger û Yekîtiya Jinên Ciwan meşek hate lidarxistin.
Meş bi qîrkirina dirûşmeyan û hildana wêneyên şehîdan, ji Qada Jina Azad destpê kir û heta Parka 19’ê Tîrmehê dom kir. Ciwanên ku cilên li dijî bikaranîna çekên qedexe û kîmyewî li xwe kiribûn bê navber dirûşmeyên “Bijî Berxwedana Gerîla” û “Şehîd Namirin” berz kirin û wêneyên 17 gerîlayên bi kîmyewiyê şehîd bûn, hildan.
Li vir ciwanan sirûda Çerxa Şoreşê gotin û bi dirûşmeyan çalakiya xwe dawî kirin.
Yek ji devera din a ciwan daketin qadan Şêxler a Kobanê bû. Ciwanên li vir daketin qadan agir dadan û piştevaniya xwe ya bi berxwedana gerîla nîşan dan û êrîşên bi çekên kîmyewî û gazên jehrî protesto kirin.
