Fermandariya Giştî ya QSD`ê têkildarî bombebarana li ser noqteyên hêzên wan ên li bakurê rojhilatê Dêrazorê, daxuyaniyeke nivîskî weşandi

Daxuyaniya QSD`ê wiha ye:

“Di demeke ku hêzên di çarçoveya Pêngava Bagera Cizîrê de, gelê me li rojhilatê Çemê Firatê rizgar dike û bi pêş ve diçe, Hêzên Rûsyayê û Hêzên Rejîmê êrîşeke bê bext anîn ser hêzên me li kargeha Konîko, îstasyona Ezba û kargeha Nesîcê. Di encama bombebarana bi balafiran û topan de, hinek şervanên me şehîd û birîndar bûne.

Her wiha pêşveçûyînên me bi koordîneya bi Koalîsyona Navneteweyî dike. Ji aliyekî  din ve jî her tim em naxwazin têkevin şerekî din û taqeta xwe ku pêwîst e em li dijî terorê û terorîstan bi kar bînin, hedir bikin.

Em êrîşa dijminahî ya Hêzên Rûsyayê û hevalbendên wê ku  xizmeta terorîstiyê dike û li dijî şerê terorê ye, şermezar dikin. Em teqez dikin ku em bêdeng namînin û em ê mafê xwe yê parastina rewa û bersivdayînê bi kar bînin.

Em bang li Rûsyayê dikin ku bila dev ji van  helwestên xwe yên dijminahiyê yên derheqê gelê me û hêza wê ya leheng berde.”