Merasîma ragihandina foca leşkerî ya li Tebqayê, li gundê Sefsafahê hate kirin. Fermandarên QSD'ê, Hevserokên Meclîsa Rêveber û Qanûndanînê ya Rêveberiya Sivîl a Demokratîk a Herêma Tebqayê, şêniyên herêmê, nûnerên rêxistinên civakî yên sivîl û saziyên leşkerî beşdarî merasîmê bûn.

250 şervanên foca leşkerî, piştî perwerdeya leşkerî û îdeolojîk a mehekê, mezûn bûn.

Ji fermandarên QSD'ê Ronî Hesen li merasîmê axivî û got, "Ragihandina foca leşkerî pîroz dikim. Pê bawer û piştrast im ku tevlîbûna li nava focên leşkerî wê dewam bikin û em ê herêma xwe bi hev re biparêzin."

Hevseroka Komîteya Dîplomasiyê Asya El-Xerîbî jî got, "Mirovên ku welat, gel û rûmeta xwe diparêzin, mirovên leheng in. Pêwîstiya vê axa hatiye rizgarkirin bi şervanên mîna we leheng heye."