Di civîna çapemeniya ya li navçeya Eyn Îsa ya girêdayî kantona Girê Spî hate lidarxistin de, bi dehan dezgehên herîmî û cîhanî amade bûn. Berpirsê Giştî yê Têkîliyên QSD`ê Rêdûr Xelîl bîlançoya hefteyekê ya Berxwedana Serdemê ya li Efrînê eşekere kir.

Bîlançoya Berxwedana Serdemê ya hatî eşkerekirin wiha ye:

ʺÊrîşa artêşa dagirker a Tirkiyeyê û rêxistina El-Qaîdê ya terorîst bi hemû hovîtiya xwe li dijî gelê me li kantona Efrînê berdewam dike. Tevî ku artêşa dagirker û alîkarên wê hemû teknolojiya leşkerî di êrîşa xwe de pêk tînin û bi balefiran û tankan gund û taxên sivîlan dikin hedef. Lê heta niha ti pêşketineke ber biçav pêk neanîne.

Artêşa dagirker a Tirkiyeyê ku li hemberî berxwedana şervanan nikarin pêşve werin, rêbazên herî hovane li dijî welatiyên sivîl bikar tînin û welatiyên sivîl dikin hedef û di encamê de bi dehan sivîl şehîd bûn û piraniya wan jin û zarok in da ku welatiyan neçarî koçberiyê bike û guhertineke demografîk li herêmê pêk bîne. Hovîtiya dagirkeran ji wê bêtir deverên dîrokî û şûnwaran bi balefiran dirûxînin û ziyaneke mezin bi perestgeha herî kevnar di Rojhilata Navîn de kir.

Encamên çalakiyên leşkerî yên vê hefteyê û komkujiyên artêşa dagirker a Tirkiyeyê û rêxistina El-Qaîdê li kantona Efrînê ji 26’ê Çile heta 1’ê Sibata 2018’an wiha ne:

*Dagirkeran ji hemû aliyên Efrînê ve êrîşî gundên sivîlan kirin û 1893 topên cuda avêtin.

*Balefirên dagirkeriya Tirkiyeyê 460 caran êrîş li dijî deverên sivîlan û eniyên şer ên kantona Efrînê pêk anîn.

*Helîkopterên Kobra 15 caran êrîşî deverên sivîl û eniyên şer kirin.

*Balefirên keşfê bê navber li ezmanê herêma Efrînê digerin.

Artêşa Tirk û rêxistina El-Qaîdê di êrîşa xwe de çekên qedexekirî jî yên weke Napalm û bombeyên goşî bi kar anîn. Her wiha dibistan û mizgeft jî bûn armanca dagirkeran û di encamê de gelek welatiyên sivîl şehîd û birîndar bûn.

*Hêzên me hemû êrîş bersivandin û ketin nava 250 pevçûnên raste rast.

*Heta niha hate zelalkirin ku 473 lerkerên Tirk û çeteyên wê hatine kuştin.

*Li ser xetên şer 32 cenazeyên leşkerî û terorîstan hene û dijmin nikare cenazeyên xwe werbigire.

*Balefireke keşfê ya ji cûreya Dron hate xistinn û tank û panzêr jî di nav de 25 wesayîtên leşkerî jî hene hatin rûxandin.

*Hêzên me tank û panzêr jî di nav de 11 panzêr teqandin.

*Hêzên me wesayîteke leşkerî ya ji cûreya Dûvpişk û panzêrek desteser kirin. her wiha rêjeyek cek û cebilxane jî desteser kirin.

*Hêzên me 72 caran bi hêzên dijmin re kete nava şer, lê bel têkildarî kuştî û birîndarê dijmin agahiyên zelal nehatin girtin.

*Di şer de 34 şervanên be bi berxwedaneke mezin gihiştin şehadetê.

*Di encama êrîşên dagirkeriya Tirkiyeyê de 30 welatiyên sivîl ku di nava wan de jin û zarok hene şehîd bûn û bi dehan kes jî birîndar bûne.

*Şervanekî me yê birîndar dîl kete destên dijmin. Her wiha artêşa dagirker a Tirkiyeyê û terorîstên El-Qaîdê 6 welatiyên sivîl ji gundên sînorî revandin.