Navenda Ragihandin û Çapemeniyê ya QSD'ê daxuyaniyek weşand û ragihand ku şervanekî wan ji ber krîza dil şehîd bûye.

Daxuyanî bi vî rengî ye:

"Şervanên hêzên me, Hêzên Sûriyeya Demokratîk têkoşîna li dijî rêxistina terorîst a DAÎŞ'ê û êrişên dewleta Tirk a dagirker ên li dijî Bakur û Rojhilatê Sûriyeyê didomînin. Hêzên me baregehên rêxistina terorîst têk dibin, tevgera şaneyên wan ji hev dixin û tevgera wan pûç dikin.

Hêzên me bi awayekî sereke xwe dispêre hêza şervan û têkoşîna wan a parastina ewlehî û îstîqrara herêmê. Li nuqteyeke me ya leşkerî şervanê me Ebdulmecîd Ehmed El Esed (Macid) di encamê krîza dil de şehîd bû.

Em sersaxiyê ji malbat şehîd Macid û tevahî malbatên şehîdên xwe re dixwazin. Em soz didin heta pêkanîna armancên wan a welatekî ewle û aştiyane, têkoşînê dewam bikin.

Nasnameya şehîd wiha ye:

Nasnav: Macid
Nav û paşnav: Ebdulmecîd El Esad
Navê dayikê: Rufe
Navê bav: Ehmed
Cih û dîroka jidayikbûnê: Um Medfe/1995
Cih û dîroka şehadetê: Hesekê/24′ê Hezîrana 2023′yan."