PDK'ê nehişt şandeya Başûr tevlî forûma Efrînê bibe
Şandeya Başûrê Kurdistanê ya ji bo tevlî "Forûma Guhertina Demografîk û Paqijkirina Etnîkî ya li Efrinê" bibe çû deriyê Sêmalka, ji hêla PDK'ê ve hate astengkirin.
Şandeya Başûrê Kurdistanê ya ji bo tevlî "Forûma Guhertina Demografîk û Paqijkirina Etnîkî ya li Efrinê" bibe çû deriyê Sêmalka, ji hêla PDK'ê ve hate astengkirin.
Şandeyek ji Başûrê Kurdistanê ji bo tevlî "Forûma Guhertina Demografîk û Paqijkirina Etnîkî ya li Efrinê" bibe, berê xwe de Rojavayê Kurdistanê. Lê belê li deriyê sînor ê Sêmalkayê ji hêla PDK'ê ve hate astengkirin.
"Forûma Guhertina Demografîk û Paqijkirina Etnîkî ya li Efrinê" bi beşdariya gelek pispor, akademîsyen û kesayetên ji Misir, DYA, Fransa, Rûsya û gelek welatên din, îro li salona Beylesan a li navçeya Amûdê ya Rojavayê Kurdistanê dest pê kir.
Doh 52 kes ji bo beşdarî forûmê bibe ji deriyê sînor ê Sêmalka derbas bûbû. Lê belê PDK'ê destûr neda ku şandeya ji Başûrê Kurdistan derbas bibe û tevlî konferansê bibe.
Şandeya ku hate astengkirin ji van kesan pêk tê: Erkdarê Şaxê Zanistê ya Sosyolojiyê yê Zanîngeha Silêmaniyê Hewjîn Mele Emîn, ji Zanîngeha Dihokê Dr. Kamûran Berwarî, Hîşam Zêbarî û rojnamevan û parêzer Siraç Halepçe, rojnamvan Simko Sabir, rojnamevan û nivîskar Aso Abdullatîf.
PDK'Ê BI ZANEBÛN DESTÛR NEDA
Erkdarê Şaxê Zanistê ya Sosyolojiyê yê Zanîngeha Silêmaniyê Hewjîn Mele Emîn ê di nav şandeyê de got, wezîfedarên deriyê sînor gotine ji bo emir ji jor hatiye em destûr nadin ku hûn derbas bibin.
Rojnamevan û parêzer Sirûç Halepçe ê derbasbûna wî hatî asteng jî got, 6 saetan li ber deriyê sînor hatine rawestandin. Helepçeyî nerazîbûn nîşanî vê zextê da û got, "Nexwestin ku şandeyeke xwedî zanîna bilind a zanistî ku ji rojnamevan û akademîsyenan pêk tê derbas bibe. Sedemek din a destûr nedanê jî ew e ku gelekî me ji herêma komkujî lê hatî kirin dihatin û di vê mijarê de daneheviyeke me ya mezin heye. Nexwestin ku ev danehevî bê parvekirin."