Dayikên di çalakiya nobeta li Sêmalka de ne êrîşa çekdarên PDK’ê ya li dijî ciwanan bi daxuyaniyekê şermezar kirin. Li ser navê dayikan Raxîde Xelîl daxuyanî xwend û êrîşên çekdarên PDK’ê yên li dijî ciwanên şoreşger û Yekitiya Jinên Ciwanan ku bi wê re 15 ciwanan birîndar bûn û rewşa du ciwanan giran e û rakirina nexweşxaneya Dêrikê, şermezar kir.

‘PDK BI KIRYARÊN XWE XIZMETA TIRKIYÊ DIKE‘

Xelîl da zanîn ku kiryarên PDK’ê ne di xizmeta gelê Kurd ye û got: “PDK bi van kiryaran tenê xizmetê ji dewleta dagirker a Tirk re dike. Êrîşa îro li dijî ciwanan hatiye kirin, berdewamiya bêbextiyê ye. Divê tu hêz li hember Tevgera Ciwanên Şoreşger û Yekitiya Jinên Ciwana nerawestin. Ji ber vê divê PDK dest ji kiryarên xwe yên dikevin xizmeta dijmin berde. Her wiha ciwanên şoreşger û pêkhateyên Bakur û Rojhilatê Sûriyê dev ji piştevaniya gerîla bernadin."

Xelîl bi van gotinan dawî kir: “Êrîşa li dijî ciwanên şoreşger û Yekitiya Jinên Ciwan û dayikên çalakvan şerm e. Hêzên PDK’ê di êrîşên xwe de ava şid, gaza bi îsot, gule û kevir bi kar anîn. Di encama êrîşa çekdarên PDK’ê de 15 ciwana birîndar bûn û rewşa du ciwanan giran e."