Hêzên Rizgariya Efrînê ragihand ku şervanê wan Dilşêr Efrîn 5’ê Tîrmeha 2021’ê dema li Efrînê li ser erka xwe bû, şehîd bûye.

HRE’yê li ser mijarê ev agahî da:

“Li roja 5’ê Tîrmehê Hevrê Dilşêr Efrîn, li herêma Efrînê dema li ser erka xwe bû gihişt asta şehadetê.

Hevrê Dilşêr li Helebê di nav malbatek welatparêz de ji dayik bû. Di têkoşîna me ya li dijî qirkirin û dagirkeriyê de heta kêliya dawî cihê xwe girt û bû şervanekî rûmetê. Hevrê Dilşêr, bi şoreşa azadî û demokrasiya gelan bi azwerî û dilsoziyek mezin bawer kir, li dijî her cûre paşverûtiyê bibiryar sekinî û tevlî karwanê şehîdan bû.

Em di şexsê hevrê Dilşêr de tevahî şehîdên xwe yên leheng bi rêzdarî bibîr tînin û ji malbata şehîdê xwe û ji gelê xwe re sersaxiyê dixwazin.

Nasnameya şervanê HRE’yê yê şehîd wiha ye:

Nasnav: Dilşêr Efrîn

Nav û Paşnav: Ferhad Nasan

Navê Dayikê: Zeyneb

Navê Bav: Eyub

Cih û Dîroka Şehadetê: Herêma Efrîn | 05’ê Tîrmeha 2021