Navenda Raghandin û Çapemeniyê ya YPG`ê bi daxuyaniyeke nivîskî nasnameya 3 şervanên YPG’ê yên 17-20’ê Sibatê di Pêngava Bagera Cizîrê de li bajarokê El Behra şehîd bûne eşkere kirin.

YPG’ê di daxuyaniya xwe de ev agahî parvekir:

ʺPêngava Bagera Cizîrê ya rizgarkirina bejahiya Dêre Zorê bi pêşengtiya Hêzên Suriya Demoqratîk (QSD) ku di nav de Meclîsa Leşkerî ya Dêre Zorê jî cih digre û bi tevlîbûna şervanên YPG-YPJ’ê ji roja destpêkê heta vê keliyê bênavber didome. Di çarçoveya pêngavê de bi taybetî di demên dawî de derbên giran li çeteyên DAIŞ’ê hatiye xistin û deverên girîng bajarokê El-Behra yê rojhilatê Dêra Zorê hatiye rizgarkirin.

Li ser vê bingehê di operasyonên li dijî çeteyên DAIŞ’ê hatine lidarxistin de 3 şervanên me li hember çeteyan heta kêliya dawî bi lehengî şer kirine û di rizgarkirina bajarokê El-Behra yê Dêra Zorê de rolên girîng leyîstine, şehîd bûne.

Em weke YPG û YPJ`ê tevahî şehîdên me yên qehreman bi rêzdarî bibîr tînin û di serî de sersaxiyê ji malbatên şehîdan û hemû gelên me re dixwazin.”

AGAHIYÊN TÊKILDARÎ NASNAMEYAN

Nasnameyên şehîdan wiha ye:

Nav û Paşnav: Ehmed El Zayit

Navê Dayikê: Wefa

Navê Bav: Elî

Cihê Jidayikbûnê: Şedadê

Cih û Dîroka Şehadetê: Dêra Zor / 17’ê Sibata 2018

***

Nav û Paşnav: Xazî El Ezawî

Navê Dayikê: Helîme

Navê Bav: Xenan

Cihê Jidayikbûnê: Şedadê

Cih û Dîroka Şehadetê: Dêra Zor / 20’n Sibata 2018

***

Nav û Paşnav: Xeyredîn Ezam

Navê Dayikê: Firat

Navê Bav: Ezam

Cihê Jidayikbûnê: Şedadê

Cih û Dîroka Şehadetê: Dêra Zor / 17’ê Sibata 2018