MSD: Em piştgiriyê didin gelên Îranê
Meclîsa Sûriyeya Demokratîk (MSD) ragihand ku ew destekê didin raperîna gelên Îranê.
Meclîsa Sûriyeya Demokratîk (MSD) ragihand ku ew destekê didin raperîna gelên Îranê.
Meclîsa Sûriyeya Demokratîk (MSD) li ser raperîna gelên Rojhilatê Kurdistanê û Îranê daxuyaniyeke nivîskî weşand.
Di daxuyaniyê de hat gotin "Hovîtiya rejîma diktator a Îranê û kûrbûna krîza aborî bû sedema belavbûna xizaniyê. Li hemberî van polîtîkeyan bi hezaran kes daketin qadan û banga hilweşandina rejîma molayan kir. Li dijî xwepêşandanên gel tundî hate kirin, di encamê de sivîl şehîd bûn û bi sedan jî hatin girtin. Rejîma desthilatdar bi navê ol û neteweyê vîna gelên azad têk dibe.
Em wekî Meclîsa Sûriyeye Demokratîk piştgiriyê didin serhildana aştiyane ya gel û daxwazên wan ên ji bo azadî û demokrasiyê.
Gelê Îranê bi hemû pêkhateyên xwe, ji hemû ol, mezheb û neteweyan karîbûn şaristaniya herêmê dewlemend bikin û jî cîhanê re xwe hebûna xwe îsbat bike.
Rola neyinî ya rejîma Îranê li hember daxwazin gel, her wiha di beşdarbûna wan a di şerê li Sûriyeyê li gel rejîmê, aloziya hundirîn kûrtir kir û ji ber vê yekê hêrsa li hember wê zêdetir bû.
Cardin em piştgiriya xwe bi daxwazin gelên Îranê û hemû gelên azadîxwaz nîşan didin. Rojhilata Navîn yekîtiyeke dîrokî, çandî, aborî ye, nayê parçekirin. Êşa gelê wê êşa me ye û azadiya wê azadiya me ye."