Şandeya endamên PE’yê û parêzerên Fransî serdana Bakur û Rojhilatê Sûriyeyê kirin
Şandeya endamên PE’yê û parêzerên Fransî serdana Daîreya Têkiliyên Derve ya Rêveberiya Xweseriya Demokratîk a Herêma Bakur û Rojhilatê Sûriyeyê kir.
Şandeyek ji Parlamentoya Ewropayê (PE), parêzer û endamên Rêxistina "Parêzerên Sînornenas" (ASF) a nehikumî ya Fransayê serdana Daîreya Têkiliyên Derve ya Rêveberiya Xweseriya Demokratîk a Herêma Bakur û Rojhilatê Sûriyeyê kir.
Hevseroka Daîreya Têkiliyên Derve ya Rêveberiya Xweseriya Demokratîk a Herêma Bakur û Rojhilatê Sûriyeyê Îlham Ehmed û endamê Desteya Rêveber a daîreyê Xalid Îbrahîm şande pêşwaz kir.
Navên ku di şandeyê de cih digrin:
- Mounir Satouri: Endamê Parlamentoya Ewropayê yê Fransî, Serokê Komîteya Mafên Mirovan, Parêzerê Baroya Parîsê.
- Emilie Moreno: Seroka Komîteya Mafên Mirovan a Meclîsa Neteweyî ya Parêzerên Fransî.
- Fabienne Sevran: Seroka Komeleya Fraternité Générale.
- Marie Doss: Parêzera Baroya Parîsê, endama ASF.
- Matthieu Yagard: Parêzera Baroya Parîsê, nûnerê ASF.
Di hevdîtinê de her du alî, li ser rêyên çareseriyê yên pirsgirêkên di warê hiqûqî û mafên mirovan de nirxandin kirin û li ser fersendên hevkariyê yên di pêşerojê de nîqaş kirin.
