Meclisa Jinan a Sûriyeyê pêşnûmeya destûra bingehîn red kir

Meclisa Jinan a Sûriyeyê ragihand ku ew bi temamî “pêşnûmeya destûra bingehîn” red dikin û bang kir ku destûra bingehîn ku jin jî di nav de mafên hemû pêkhateyên Sûriyeyê were mîsoger kirin, were avakirin.

Meclisa Jinên Sûriyeyê daxuyaniyek weşand û tê de pêşnûmeya destûra bingehîn ku desthilata Şamê ragihand, red kir.

Meclisê diyar kir ku “pêşnûmeya destûra bingehîn” beşdariya jinên Sûriyeyê di têkoşîna dirêj a li dijî dîktatoriyê de paşguh kiriye. Her wiha got ku ev neheqiyek sîstematîk e li dijî daxwazên jinan û xwesteka wan a beşdariya çalak di avakirina welatê xwe de ye. "

Di daxuyaniyê de, pêşnûmeya destûra bingehîn hate rexne kirin û hate gotin ku ew ne li gorî pîvanên pirrengiya niştimanî ye û maf û nasnameya jinan naparêze û hate destnîşankirin ku ku ev nabe "peymaneke civakî" ya ku nasname û hebûna hemû welatiyan biparêze.

Meclisa Jinên Sûriyeyê di dawiya daxuyaniya xwe de tekez kir ku ew bi temamî pêşnûmeya destûra bingehîn napejirînin û xwest ku destûra bingehîn ku daxwazên gelê Sûriyeyê nîşan bide û mafên hemû pêkhateyên wê, di nav de yê jinan, misoger bike, were avakirin.