Li Serêkaniyê ciwanan daxwaza azadiya Ocalan kirin
Ciwanên Serêkaniyê bi daxwaza azadiya Rêberê Gelê Kurd Abdullah Ocalan meşek lidar xistin.
Ciwanên Serêkaniyê bi daxwaza azadiya Rêberê Gelê Kurd Abdullah Ocalan meşek lidar xistin.
Çalakvanan bi pankartên ″Bê serok jiyan nabe” û “YPG/YPJ′ê hêzên parastina gelan in″ li ser hatibûn nivîsandin , vekiribûn. Meş ji ber Çerxerêya Şehîdan a bajêr destpê kir û di nava kolanên bajêr re derbas bû û bê navber dirûşmên″Bijî serok Apo″, “Bê Serok jiyan nabe” û “Ji Ocalan re azadî” qîr kirin.
Meş li pêşiya navenda Yekîtiya Ciwanên Rojava ya Serêkaniyê rawestinya û deqeyek rêz hat girtin. Piştre li ser navê Yekîtiya Jinên Ciwan a Serêkaniyê Şêrîn Omerî axivî, diyar kir ku dewleta Tirk hê siyasetên xwe yên faşîst li ser Ocalan dide meşandin û wiha got: ″Tirkiye bi vê siyasetên xwe dixwaze me ji Rêberê me dûr bixe. Armanca Rêbertiyê ew bû ku jinê ji koletî, bandora şerê taybet û kapîtalîzmê rizgar bike. Îro jin bi saya tekoşîna Ocalan, li her qadê têkoşînê dide meşandin..″
Çalakiya ciwanan bi dirûşmeyên ″Bê serok jiyan nabe″ û “Ji Ocalan re azadî” bi dawî bû.