Li Mabeta êrîş hate şkandin: Herî kêm 30 mirî
Li gundê Bedîna yê Mabetayê ku bi rojan e hêzên dagirker êrîş dike herî kêm 30 leşker û çete hatin kuştin. Êrîşa dagirkeran hate şkandin.
Êrîşa bi ser gundê Bedîna yê navçeya Mabeta yê Efrînê piştî şerê dijwar hate şkandin.
Li gorî agahiyên ji herêmê di şerê di navbera şevanên YPG/YPJ û artêşa Tirk a dagirker de herî kêm 30 leşker û çete hatin kuştin.
Hate ragihandin ku di şer de gelek birîndarên hêzên dagirker hene.
Li navçeya Racoyê jî wesayîteke leşkerî tevî 7 kesên têde hatibû rûxandin.
