Li bajarê Kobanê yê Rojava li dijî tecrîda girankirî ya li ser Rêberê Gelê Kurd Abdullah Ocalan, meşek girseyî hate lidarxistin. Girseya meşê bi dirûşmeya “Li dijî tecrîd, xiyanet û dagirkeriyê werin cenga azadiyê” dest bi meşê kirin. Girseyê meşê heta navçeya Qeneye ya Kobanê meşiyan. Di meşê de al û wêneyên Rêberê Gelê Kurd Abdullah Ocalan hatin hildan.

Meş li kolana sereke ya navçeyê veguherî mîtingê û li wir endamê rêveberiya Komîteya Parastinê ya Tevgera Ciwanên Şoreşger a Rojavayê Kobanê Hîlal Elî axivî û tecrîda li ser Rêberê Gelê Kurd Abdullah Ocalan şermezar kir.

Hîlal destnîşan kir ku desthilatdariya Tirk di dûrxistina gel ji Rêberê Gelê Kurd Abdullah Ocalan de bi ser neket û şopandina fikir û felsefeya wî wê berdewam bike û got ku gelê Kurd ji bo azadiya fîzîkî ya Rêberê Gelê Kurd Abdullah Ocalan kar û xebatê dimeşîne.

Mîtîng, bi dirûşmeyên "Bijî Rêber Apo” û “Bijî berxwedana Îmraliyê" bi dawî bû.