Di operayona Hêzên Sûriyeya Demokratîk (QSD) ya li Hesekê de 2 çeteyên DAÎŞ’ê hatin girtin û rêjeyek cebilxane jî hatin desteserkirin.

Têkildarî mijarê Navenda Çapemeniyê ya Hêzên Sûriya Demokratîk (QSD) daxuyaniyek da.

QSD’ê ev agahî parve kir:

"QSD’ê bi piştevaniya hêzên Koalîsyona Navneteweyî 2 çeteyên girêdayî rêxistinên terorî ku berê êrîşên li dijî hêzên leşkerî û ewlehî li herêmên Hesekê û gundewarên wê pêk dianîn, girtin.

Operasyona girtina çeteyan li gorî agahiyên îstîxbaratî li taxa El-Bomeîş a Hesekê pêk hat, her wiha çek, cebilxane û hin belgeyên wan hatin desteserkirin.

Ev operasyon di çarçoveya kedên QSD’ê yên pêkanîna ewlehî û aramiyê li bajarên Bakur û Rojhilatê Sûriyê de pêk hat."