Li Girkêlegê têkoşer Sakîne, Leyla û Fîdan hatin bibîranîn
Yekîtiya Mamosteyên Navçeya Girkêlegê ya Bajarê Dêrikê ji bo 5’emîn salvegera komkujiya Parîsê semînerek lidarxist.
Yekîtiya Mamosteyên Navçeya Girkêlegê ya Bajarê Dêrikê ji bo 5’emîn salvegera komkujiya Parîsê semînerek lidarxist.
Bi boneya 5’emîn salvegera komkujiya Parîsê , ya ku Sakîne Cansiz, Leyla Şaylemez û Fîdan Dogan hatiûn qetilkirin, Yekîtiya Mamosteyên Navçeya Girkêlegê ya bajarê Dêrikê ya Herêma Cizîrê semînerek li salona Çand û Hunera Arama Tîgran lidarxistin. Di semînerê de li ser têkoşîna Sakîne Cansiz, Fîdan Dogan û Leyla Şaylemez sînevîzyonek hate nîşandan.
Semînerê bi rêzgirtinê dest pê kir û piştre endamê Rêveberiya Komîteya Perwerdehiyê ya Demokratîk Harûn Şikakî axivî û diyar kir ku Heval Sara weke jineke Kurd li hember hemû rengên desthildariyê têkoşiya û got "Dewleta Tirk ji ber ku nikaribû li hember fikir û felsefeya jina azad bisekine, hevalên me kirin hedef û komkujî pêk anîn. Em jî dibêjin em ê her tim li ser şopa Heval Sakîne, Fîdan û Leyla bimeşin û em ê doza wan bişopînin."
Civîn bi dirûşmeyên "Şehîd namirin" bi dawî bû.