Hêzên Rizgariya Efrînê (HRE) li ser çalakiyên şervanên xwe daxuyaniyek da û çalakiyên wan ên dijî leşker û çeteyên dewleta Tirk a dagirker yên li Efrînê û derdora wê bicîh bûne bidomînin.

HRE’yê li ser çalakiyê ev agahî parve kir.

" 1’ê Adarê şervanên me li derdora gundê Kil Cibrînê ya herêma Ezazê 2 xalên leşkerî ya koma çete ya bi navê Firqet El Mutasim hedef girtin û çalakiya serdegirtinê lidar xistin. Di vê çalakiyê de di navbera şervanên me û çeteyan de şer derket. Di encamê de 8 çete hatin kuştin û şervanên me dest danîn ser çekek RPK, 2 çekên kalaşnîkof (AK-47) û rextek.

Di heman demê de komek çeteyên ku xwestin xwe bigihînin cihê çalakiyê bi armanca kuştî û birîndarên xwe rakin, şervanên me seyareyeke vê komê kirin hedef û çalakiya sabotajê lidar xistin. Di encama çalakiyê de 4 çete hatin kuştin û 3 çete jî birîndar bûn.

Di encama her du çalakiyan de herî kêm 12 çete hatin kuştin û 3 çete jî birîndar bûn."