Ji bo merasîma cenazeyê şervanê QSD’ê Xelîl Mihemed El Şerîf (Ebû Ebûd) bi sedan welatiyên navçeya Eyn Îsa û gundewarên wê li Goristana Şehîdên Reqayê kom bûn.

Merasîma bi deqeyek rêzgirtina leşkerî ve destpê kir. Di merasîmê de Endamê Komîteya Têkliyan a QSD’ê Mesûd El-Feysel axivî û wiha got: “Em weke QSD’ê ti carî li hemberî rizgarkirina welatiyên Sûriyeyê dudilî nabin û bi saya xwîna şehîdan me teror têkdibin û welatiyên xwe rizgar kirin.”

Di merasîmê de Endamê Saziya Malbatên Şehîdan Mehmûd El-Xelef axivî, sersaxî ji malbata şehîd re xwest û diyar kir ku bejna xwe li hemberî şehîdan ditewînin û got: “Bi saya şehîdan welatiyên Bakurê Sûriye azad dijîn. Soza şopandina rêya şehîdan didin.”

Di dawiya merasîmê de nasnameya şehîd hate xwendin û radestî malbatê hate kirin

Cenazeyê şehîd di nava tilîliyên dayikan û durişmeyên dilsoziya bi şehîdan re hate veşartin.