Li gorî agahiyên ku hatine stendin çeteyên Ehrar El Şerqiye yên girêdayî dewleta Tirk li gundên Moseko û Hec Xelîlê yên navçeya Raco ya Efrînê du kes revandine.

Hate diyarkirin sivîlên bi navê Nezîr Mihemed Tobal û Selah Osman hatine revandin û aqûbeta wan nayê zanîn.

Li Efrînê ya ku ji Adara 2018’an û vir ve di bin dagirkeriya dewleta Tirk de ye rejîmeke terorê û çeteyan hatiye avakirin. Li wê derê her roj mirov tên revandin, êşkence tê girtin, mal û milkên gel tê talankirin.

Li gorî Rêxistina Mafên Mirovan a Efrînê dewleta Tirk di navbera 29’ê Tîrmehê û 23’ê Tebaxê li Efrînê herî kêm 101 kes revandiye. Hate diyarkirin 17 jê jin û 3 jî zarok in.

Rêxistina Mafên Mirovan diyar dike ku çete ji bo fîdyeyê mirovan direvîne û armanca wê koçberkirina gel e û pê re jî demografiyê biguherîne.