Bi sedan wekatiyên Kantona Efrînê cenazeyê şervanê YPG‘ê Enwer Mirzo (Dilbirîn) ê ku 25‘ê Kanûnê dema li ser eka xwe bû li Girê Barîn ê gundê Îskayê yê navçeya Şêrawa şehîd bû, ji Nexweşxaneya Avrîn a kantona Efrînê wergirtin.

Girseya ku wêneyên şehîd Dilbirîn, posterên Rêberê Gelê Kurd Abdullah Ocalan, alên YPG/YPJ‘ê û TEV-DEM‘ê hilda bûn bi karwanekî wesayîtan  ber bi Goristina Şehîd Refîq a li gundê Matîna ya navçeya Şerawave bi rê ketin.

Li goristanê merasîm bi deqeyek rêzgirtina leşkerî ya aliyê şervanên YPG/YPJ ve despê kir. Li ser navê Meclîsa Malbatên Şehîdan a navçeya Şêrawa Mehhmûd Cafo, li ser navê Fermandariya YPG’ê Sadiq Havîdî û li ser navê malbatê jî xwişka şehîd Şêraz axivîn.

Axaftivanan sersaxî ji malbatên şehîd re xwest û qehremaniya wan a ji bo parastina herêmê destnîşan kirin. Di axaftinan de banga xwedîderketina li nirxên şehîdan hate kirin.

Piştî axaftinan nasnameya şehîd Dilbirîn hate xwendin û radestî malbata wî hate kirin. Welaityan cenazeyê şervanê YPG’ê Dilbirin bi dirûşmeyên ‘Şehîd Namirin’ û tilîliyên dayikan spartin axê.