Di navbera artêşa Tirk a dagirker û şervanên YPG/YPJ'ê de şerekî dijwar diqewime. Li eniya bakurê rojava ya bajêr, şerê ku duh êvarê dest pê kir dewam dike.

Artêşa Tirk a dagirker ji hewayî û bejahî ve bombeyan li sivîlên li navenda bajêr dibarîne.

Li gorî agahiyên ji çavkaniyên herêmî hatine girtin, ji ber bomberdûmanê gelek xanî û avahî xera bûne.

Ji ber ku xeta telefon û înternetê timî tê birîn, têkiliyeke baş bi navenda Efrînê re nikare bê danîn.

Artêşa Tirk a dagirker duh bombe li du avahiyan barandibûn û herî kêm 6 kesên di binê xirbe de man jiyana xwe ji dest dan. Gelek sivîl jî birîndar bûn.

Wekî din, li pêşiya bajêr jî traktorek û wesayitek bûbûn hedefa balafirên şer ên Tirk. Di vê komkujiyê de gelek sivîl şehîd bûbûn.