Bi dehan endamên Kongra Star û endamên sazî û dezgehên herêma Efrînê li ser rêya navçeya Ehrezê kom bûn û dest bi meşeke girseyî ya bi heybet kir.

Çalakvanan wêneyên Rêberê Gelê Kurd Abdullah Ocalan, şehîdan Sakîne Cansiz, Fîdan Dogan û Leyla Şaylemez hildan.

Meşa bi heybet li Goristana Şehîdên Berxwedana Serdemê rawestiya û endama Meclisa Malbatên Şehîdan a herêma Efrînê Sûreyye Hebeş axivî û got: “Îro şoreşa me mezin dibe û hemû jinên cîhanê ên ku tevlê vê şoreşê dibin, em ê piştgiriya wan bikin û em nahêlin komkujiya li dijî Sakîne Cansiz û hevalên wê pêk hat, careke din dubare bibe.”

Piştre endama Meclisa Malbatên Şehîdan Wefe Hisên jî axivî û got: “Hemû hêza ku îro di hundirê her jineke Kurd de heye ji berxwedana Sakîneyan tê. Em heya dawiyê soza şopandina rêya Sakîne Cansiz û hevalên wê Fîdan Dogan û Leyla Şaylemez didin.”

Meş bi berzkirina dirûşmeyan bi dawî bû.