Şervanên Meclîsa Leşkerî ya Dêrazorê, li eniya Ebû Xeşeb ya dikeve rojhilatê Dêrazorê de li dijî 2 hucreyên çeteyên DAIŞ’ê operasyon dan destpêkirin. Di operasyonê de 8 çete û 6 kesên ku alîkarî dida çeteyan dîl hatin girtin.
Meclîsa Leşkerî ya Dêrazorê vê sibê li rojhilatê Dêrazorê li dijî hucreyên çeteyan operasyonek da destpêkirin.
Şervanan di operasyonê de 8 çeteyên DAIŞ’ê dîl girtin. Li aliyê din 6 kesên ku li Dêrazorê xwarin û vexwarin ji bo çeteyan dibirin ji aliyê şervanan ve hatin girtin.
Nûçegihanê me yê ku Pêngava Bagera Cizîrê dişopîne, dîmenên operasyonê kêşa.
