Navenda Ragihandin û Çapemeniya Hêzên Sûriyeya Demokratîk (QSD) da zanîn ku hêzên wan bi alîkariya şêniyên bajarokê Sebha yê rojhilatê Dêrazorê çeteyekî ku hewl dida bombeyekê li pêşiya dikaneke sivîlan li bajarok bi cih bike, girt.

Navenda Ragihandin û Çapemeniya QSD'ê destnîşan kir ku piştî girtina çete, hêzê yekser dest bi lêpirsînê kiriye da ku aliyê çete şandiye herêmê û armancên wî ji vê bûyera terorîst nas bikin.

QSD‘ê piştrast kir ku hêzên wan dê bi piştevanî û alîkariya şêniyan xebatên xwe yên ji bo têkbirina planên li dijî aramiya herêmê bêrawestan bidomînin.