Li depoya tupan a li kampa Holê teqînek pêk hat
Li depoya tupan a li kampa Holê ku li başûrê Hesekê ye teqînek pêk hat. 14 kes ji ber teqînê birîndar bûn.
Li kampa Holê ya li Hesekê ku vê dawiyê 3 hezar penaberên din ji herêma Baxozê ya Dêra Zorê lê hatin bicihkirin, teqînekê rû da.
Ji ber teqîna li depoya tupan 14 kes birîndar bûn.
Hate ragihandin, birîndar rakirine navenda Heyva Sor a Kurd a li kampê û yên rewşa wan giran e rakirine nexweşxaneyên li Hesekê.
Hêzên Ewlekariya Navxweyî li cihê teqînê lêkolîn kirin.
Du rojên dawî 2 hezar û 800 kesên ji herêma Baxozê li kampê hatin bicihkirin.
