Hevserokê Desteya Tenduristiyê ya Rêveberiya Xweser a Bakur û Rojhilatê Sûriyeyê Ciwan Mistefa têkildarî rewşa dawî ya belavbûna vîrûsa koronayê li herêmê daxuyaniyek da.

Di daxuyaniyê de hate ragihandin ku 2 kesên din ji ber vîrûsa koronayê jiyana xwe ji dest dane.

Li gorî daxuyaniyê 39 kesên din bi vîrûsa koronayê ketine.

Ciwan Mistefa her wiha ragihand ku 7 kesên bi vîrusê ketibûn, baş bûne.

Hejmara giştî ya nexweşên bi vîrûsa koronayê li Bakur û Rojhilatê Sûriyeyê hezar û 398 e, jê 61 kes mirin û 397 jî baş bûne.