Leşkerên Tirk gundiyekî ku zeviyên xwe av dida, birîndar kir
Leşkerên Tirk li gundekî Kobanê yê li ser sînor, gule berdan gundiyekî ku li nava zeviyên xwe dixebitî.
Mihemed Şêxo yê 55 salî ku ji gundê Siftikê yê li rojavayê bajêr e, dema ku li nava zeviyê xwe yê nêzî sînor dixebitî, leşkerên Tirk gule lê reşandin.
Mihemed Şêxo yê birîndar rakirin nexweşxaneyê. Mihemed Şêxo ji ANHA'yê re axivî û anî ziman ku dema wê zeviyê xwe av dida, gule lê hatiye reşandin.
Şêxo got, "Ne cara yekê ye ku dewleta Tirk êrişî sivîlan dike. Armanca wan ew e ku çavê gel bitirsîne. Lê belê haya me ji planên dewleta Tirk heye."
