Hêzên Rizgariya Efrînê (HRE) bi daxuyaniyeke nivîskî ragihand ku li hember êrişên dewleta Tirk a dagirker û çeteyên wê, çalakiyên wan ên bersivdayînê didomin.

Di daxuyaniyê de têkildarî 3 çalakiyên dawîn ên HRE’yê ev agahî hatin dayîn:

“22’yê Mijdarê li Xeta Ezazê hêzên me çalakiyeke sekvanî li dar dixin, li wê derê çeteyek dagirker tê kuştin û her wiha li heman cihî dema dijmin dixwazin cenazeyê kuştiyê xwe bigire, dibin armanca segvanên me û çeteyekî din tê kuştin.

23’yê Mijdarê li xeta Şerayê di çalakiya sekvanî de çeteyekî dagirker hat kuştin.

23’yê Mijdarê hêzên me li xeta Ezazê çalakiya serdegirtinê li hemberê dagirkeran ji çend baskan ve li dar xist. Di eê çalakiyê de 7 dagirker hatin kuştin û 8 dagirker jî birîndar bûn. Dema dijmin tê û dixwaze kuştî û birîndarên xwe rake, li wê derê li takwiyeya heyî jî tê xistin. Hejmara kuştî û birîndaran nehat zelalkirin. Seyareyeke doçkabarkirî jî hate îmhakirin.”