Hêzên Rizgariya Efrînê (HRE) bi daxuyaniyeke nivîskî diyar kir ku hêzên wan di 23 û 24’ê Hezîranê de çalakî li dar xistine.

Di daxuyaniyê de ev tişt hate diyarkirin:

“Di 23'ê Hezîranê de hêzên me bi çalakiyeke sabotajê komeke çeteyên girêdayî artêşa dagirker a Tirk li gundê Daxilî Baş ê girêdayî herêma Babê kirine hedef. Encama çalakiyê û hejmara kuştî û birîndarên çeteyan nehat zelalkirin.

Di 24`ê Hezîranê de hêzên me çalakiyeke kemînê li dijî çeteyên koma çete ya bi navê El Cebha El Şamiyê li gundê Til Malid ê girêdayî herêma Mare li dar xistin. Di encamê de çeteyek hat kuştin û 2 çete jî birîndar bûn.

Di 24`ê Hezîranê de yekîneyek me li ser rêka gundê Hisê yê girêdayî navçeya Mabata bi çalakiyeke taybet li çeteyekî Firqet El Emşat dan û ev çete hate kuştin.”