Hêzên Ewlekariya Hundirîn nasnameya şehîdekî eşkere kir
Hêzên Ewlekariya Hundirîn eşkere kir ku di êrîşa dewleta Tirk a berpêyî nuqteyeke kontrolê ya li Zirganê de endamekê wan şehîd bûye, 2 endamên wan jî birîndar bûne.
Hêzên Ewlekariya Hundirîn nasnameya şehîdek xwe eşkere kir û got: “ Îro roja 23’yê Mijdarê roja Çarşemê, di êrîşa bi balafira biçeka bêmirov a artêşa Tirk a dagirker a bi ser nuqteya kontrolê ya li bakurê Zirganê de endamê me Mehmûd El Hemîd şehîd bû, du şervanên me jî birîndar bûn.“
Hêzên Ewlekariya Hundirîn bi domdarî wiha got: “Şehîd Mehmûd El Hemîd, salên dawîn tev li nav Hêzên Ewlekariyê bû. Heta ku şehîd bibe bi erka xwe rabû, guh da banga gelê xwe û ew bi hebûna xwe ya herî hêja parast.
Bila serê malbata şehîd Mehmûd sax be, em li ber ruhê şehîdên xwe bi rêzdarî bêjna xwe ditewînin.
NASNAMEYA ŞEHÎD
Nav: Mehmûd El-Hemîd
Bav: Îbrahîm
Dê: Sobha
Tevlêbûn: 23/8/2021
Şehadet: 23/11/2022”
