Li ser banga Tevgera Civaka Demokratîk (TEV-DEM) bi sedan welatiyên Qamişlo îro di saet 12’ê nîvro de li pêşiya Navenda Çand û Hûnerê ya Mihemed Şêxo kom bûn û daxuyanî dan. Piştre girseya gel heta çerxerêya Osman Sebrî meşiyan.‫

Daxuyanî ji aliyê Hevserokê Meclîsa bajarê Qamişlo Feyrûşah Remedan ve hat xwendin. Di daxuyaniyê de êrîşa duh di saetên şevê de li dijî gelên Cizîrê, Firatê, Reqa û Minbicê yên ku ji bo piştgiriya Efrînê çêbuyî de, şermezar kir û ev bang li rêxıstinên UNESCO û Neteweyên Yekbûyî kir û got : “Ev bêdengî tê wateya hevkariya komkujiya li Efrînê. Bila Cîhan bizanibe em ê li Efrînê Destana Berxwedanê binşivîsin.”

Di dawiya daxuyaniyê de jî wiha hat gotin: ”Bila Erdoganê kujer û çeteyên wê baş bizanibin ku em ê pêngav paşde navêjin û di rojên pêş de em ê bi karwanek girseyî dîsa berê xwe bidin qada berxwedanê ya Efrînê.″

Piştre jî gel bi dirûşmeyan ber bi Çerxerêya Osman Sebrî ve meşiyan.