Meşê li gundê Şêranê dest pê kir û di meşê de posterên Rêberê Gelê Kurd Abdullah Ocalan hatin hildan, alayên TEV-DEM'ê û pankarta bi nivîsa "Bijî Berxwedana Efrînê" hatin vekirin.

Gel piştî meşê li gundê Hilincê civiya. Li vir ji bo bîranîna şehîdên azadiyê deqeyek rêz hate girtin û piştre endama Kongreya Starê Meşte Nûr axivî. Nûr diyar kir, berxwedana gelê Efrînê silav kir û got: "Êrîşên çeteyên ên pişta xwe dispêrin Erdogan, wê werin şikandin."

Meşte Nûr bi domdarî tecrîda li ser Rêberê Gelê Kurd Abdullah Ocalan şermezar kir û got, heta ku ew Sûriyeyeke demokratîk û federal ava bikin ew ê têkoşîna xwe bidomînin.

Hevserokê Meclîsa Xeta Rojhilat a Kantona Kobanê Cemal Xêro jî diyar kir, bi giyanê 19'ê Tîrmehê û bi giyanê berxwedêr ê Kobanê ew ê li cem gelê Efrînê bin û got: "Ew bihostek ji axa Rojava jî ku bi xwîna şehîdan hatiye avdan wê bi dest dagirkiran ve nehêlin."

Piştî axaftinan meş bi qîrîna dirûşman qediya.