Meş ji Qada Azadî ya bajarê Girkê Legê dest pê kir û meşvan heta bajaroka Çilaxa meşiyan ya ku 14 km dûrî bajarê Gikê Legê ye. Di meşê de, endamên Hêzên Parastina Civakî (HPC) dirûşmeyên”Em ê bi berxwedan û israra xwe Rêber APO azad bikin” bê navber berz kirin. Her wiha di meşê de, wêneyên Rêberê Gelê Kurd Abdullah Ocalan û pankartên şermezarkirina tecrîdkirina Ocalan hatibûn bilindkirin.

Meşvan li navçeya Çilaxa ji aliyê şêniyên navçeyê ve hatin pêşwazîkirin. Meş li Qada Şehîd Mehsûm a li naverasta navçeyê veguherî mitîngê.

Mitîng bi bîranîna cangoriyên azadiyê hate destpêkirin. Paşê, ji rêveberên HPC`ê Bera Xişo daxuyaniyek da.

Bera Xişo diyar kir ku temen çi dibe bila bibe ji bo azadiya Rêberê Gelê Kurd Abdullah Ocalan ew ê her tiştî feda bikin.

Bera destnîşan kir ku berxwedana ku Rêber Apo di zindana Îmralî de dide meşandin, ew  ji bo gelê xwe û mirovahiyê ye û girêdana gelan bi wî re teqez dike ku ew nûnetiya îradeya azad û serbixwe dike.

Bera Xişo di dawiyê de ev tişt got:"Hêzên komploger ji bo serxweriya xwe ferz bikin, hewl didin hemû tevger û şoreşên Kurdan tine bike. Lê bi fikr û felsefeya Rêberê me, em di şoreşa Rojava de bi ser ketin û rêgeza biratiya gelan û jiyana hevbeş hate bicihanîn.”

Mitîng bi dûrişmeyên silavkirina berxwedana Ocalan û şermezarkirina tecrîdê bi dawî bû.