Kesekî li gundê Qurtqulaqa ku ji ber ewlekariyê nexwest navê xwe eşkere bike, ragihand ku artêşa Tirk a dagirker û çeteyên wan nêzî 25 xanî, febrîqeyeke zeytûnê û dikanên li herêmê bi hepçeyan xera kirin.

Li gorî agahiyan, artêşa Tirk û çeteyên wê gef li gundiyan xwarine ku têkildarî xerakirina xaniyan agahiyan nedin. Hate ragihandin ku dewleta Tirk li Efrînê gelek sûc kiriye.

Navê gundiyên ku xaniyên wan hatine xerakirin: Ekrem Tahir, Rifet Şebab, Şêx Menan Hec Mûrad, Berekat Elî Berekat û Henan Ebû Riyad.

Her wiha febrîqeya zeytûnê ya gundiyê bi navê Hec Mûrad hatiye hilweşandin.

Ji dîmenekî ku hate weşandin, tê dîtin bê dagirker xaniyên li gundê Qurtqulaqayê çawa xera dikin.