Dewleta Tirk a dagirker 3 kedkarên tenduristiyê qetil kir
Li gorî Saziya Çavdêriya Mafên Mirovan a Sûriyeyê, çeteyên ser bi dewleta Tirk li Girê Spî li bajarokê Silûkê sê kedkarên tenduristiyê revandin û bi hovane qetil kirin.
Saziya Çavdêriya Mafên Mirovan a Sûriyeyê pirast kir ku 2 hemşîre û kedkarekî tenduristiyê ji aliyê dagirkeran ve hatin revandin û qetilkirin.
Hatibû ragihandin ku kedkarên tenduristiyê beriya çend rojan hatine revandin, lê belê der barê aqûbeta wan agahî nehatibû wergirtin. Eşkere bû ku dewleta Tirk a dagirker û çeteyên wan piştî ku kedkarên tenduristiyê qetil kirin cenazeyên wan avêtin kanalîzasyonekê.
