Li her sê herêmên Bakurê Sûriyeyê (Cizîr, Firat û Efrînê), welatiyan berê xwe dan navendên dengdanê û ji bo hilbijartina hevserokên komunan dengê xwe didin.

Ji bo 3 hezar û 732 komunan, 12 hezar û 421 namzetên hevserokatiyê li ber xwe didin. Komîseriya Hilbijartinê ya Bilind ragihand, ku malên komunan wê bibin navendên dengdanê.

Meclîsa Damezrîner a Federasyona Demokratîk a Bakurê Sûriyeyê, beriya niha dabû xuyakirin ku hilbijartina hevserokên komunan wê 22'ê Îlonê were kirin.

Li gorî biryarê, 3'ê Cotmehê wê hilbijartinên herêmî (gund, bajarok, navçe û meclîsên kantonan) û 19'ê Çileya 2018'an jî hilbijartina Kongreyê were kirin.