Bi sedan kesên li pêşiya Nexweşxaneya Roj li hev kom bûn, cenazeyê şervanê YPG'ê Xalid Xilî (Şoreş Serêkaniyê) ku di 16'ê Îlonê de şehîd bû wergirtin û birin Şehîdgeha Serêkaniyê.

Şervanên Hêzên Xweparastinê li Şehîdgehê merasîmeke leşkerî pêk anîn. Hevseroka Komîteya Karên Malbatên Şehîdan a Herêma Cizîrê Welîda Botî, ji fermandarên hêzên QSD'ê Enes Ereb û apê şehîd Hac Hesen Xilî li merasîmê axivîn.

Qisekeran diyar kirin ku destketiyên li Bakur û Rojhilatê Sûriyeyê bi berxwedana şehîdan hatine afirandin û ji bo parastina nirxên şehîdan bang li gelan kirin ku yekîtiya xwe li dijî hemû êrîşan pêk bînin.

Endamê Meclîsa Malbatên Şehîdan a Serêkaniyê Alî Ferhan belgeya şehadetê ya Xalid Xilî xwend û radestî malbata wî kir.

Piştre cenazeyê şervanê YPG'ê hate veşartin.