Bi sedan welatiyên Til Hemîs li ber avahiya Meclîsa taxa Enteriyê ya bajarê Qamişlo kom bûn û cenazeyê şehîd wergirtin. Girseya gel ku bê navber dirûşme berz kirin piştî cenazeyê şehîd wergirtin bi kerwanekî ber bi navçeya Til Hemîs a ku Şehîd Cebel Qamişlo lê ji dayîk bûye, ketin rê.

Li pêşiya goristanê girseya gel darbest li ser milan kir û heta goristana Şehîd Raxib Etiya meşiyan. Li goristanê merasîm hate lidarxistin. Merasîm bi rêzgirtinê destpê kir.

Paşê bi navê Meclîsa Malbatên Şehîdan Ehmed Ebawî, Endamê Rêveber ê Meclîsa TEV-DEM`ê Salih Xelef û Rêveberê Şaredariya Gel a navçeya Til Hemîs Abdullrehman Hadî axivîn. Di axaftinan de berxwedana şehîdan hate silavkirin, sersaxî ji malbatên şehîdan re hate xwestin û soza riya wan hate dayîn.

Piştî axaftinan sicîlê şehîd Cebel Qamişlo hate xwendin û radestî malbatê hate kirin. Di dawiya merasîmê de girseya gel cenazeyê şehîd bi diruşmeyan spartin axê.