Girseya Gel cenazeyê şervanê YPG'ê  Elai Fadil (Newres Hesekê) ku dema bi erka xwe radibû li bajarê Hesekê şehîd bûbû, ji navenda Meclîsa Malbatên Şehîdan a Hesekê wergiritn û bi karwanekî wesayîtan ber bi Goristana Şehîd Dijwar ve ketin rê.

Li goristanê ji bo bîranîna şehîdên azadiyê deqîqeyek rêz hate girtin û ji aliyê şervanan ve merasîmeke leşkerî hate lidarxistin. Piştre Endamê Rêveber ê Meclîsa Malbatên Şehîdan Bengîn Badînî axivî û di şexsê şehîd Newres de hemû şehîdên azadiyê bi bîr anî.

Piştre Endamê Fermandariya YPG'ê Diyab Hesekê jî axivî û bal kişand ser berxwedan û têkoşîna şervanên ku ji bo azadiya gelê xwe şehîd bûne û destnîşan kir ku ew ê heta dawî şopdarên rêya şehîdên xwe bin.

Piştî axaftinan nasnameya şehîd  xwendin û radestî malbatê hate kirin. Di dawiya merasîmê de jî girseya gel cenazeyê şehîd bi dirûşmeya ‘Şehîd Namirin’ li goristanê spartin axê.