Ji bo şervanê YPG'ê Feyad Feyad (Polat Amûdê) bi sedan kes li ber Meclîsa Malbatên Şehîdan a Amûdê li hev civiyan.

Girseya gel cenazeyê şehîd rakir û berê xwe da Şehîdgeha Şehîd Îsmaîl Hogir a li bajarê Amûdê.

Di dû merasîma leşkerî ya li şehîdgehê, bi navê Meclîsa Malbatên Şehîdan Mihemed Seyîd Ferso axivî, sersaxî ji malbata şehîd re xwest û diyar kir ku wê li ser şopa şehîdan, armancên hemû şehîdên Bakurê Sûriyeyê û Rojava bi cih bînin.

Ji fermandarên YPG'e Agirî Jînda jî sersaxî ji malbata şehîd re xwest û destnîşan kir ku wê heta nefesa xwe ya dawî axa pîroz biparêzin.

Apê şehîd Polat Kasir Feyad jî got, "Em bi şehîdê xwe serbilind in. Em ê li ser şopa wî bin."

Piştî axaftinê, belgeya şehadetê ya şehîd Polat Amûdê hate xwendin û radestî malbatê hate kirin.

Cenazeyê şehîd li ber qîrîna dirûşman hate veşartin.