Şêniyên Serêkaniyê û Dirbasiyê cenazeyê şervanê YPG'ê Ehmed Mihemed Sîncar (Akîf), ji nexweşxaneya Roj a bajarê Serêkaniyê wergirtin û bi karwanekî ji wesayîtan berê xwe dan Gorisatan Şehîd Rustem Cûdî ya li gundê Berkevirê yê Serêkaniyê.

Şervanên YPG û YPJ'ê, li şehîdgehê merasîmek lidar xistin. Piştî merasîma leşkerî, li ser navê  Meclîsa Malbatên Şehîdan a bajarê Serêkaniyê Ebdrezaq Ehmed û li ser navê Fermandariya YPG/YPJ'ê Agirî Jiyan axivîn. Qisekeran diyar kirin, gelên herêmê bi hemû pêkhateyên xwe li hemberî êrîş û planên dijmin li ber xwe didin.

Piştî axaftinan, nasnameya şehîd hate xwendin û radestî malbata wî hate kirin. Paşê, li ber dirûşma "Şehîd namirin" hate veşartin.