Welatiyên Tebqayê cenazeyê şervanê Hêzên Sûriyeya Demokratîk (QSD) Elai Xelîfe (Elai Tebqa) ku li bajarokê Hecîn ê Dêra Zorê şehîd bûbû, ji nexweşaneya Wetanî girtin û ber bi goristanê ve ketin rê.

Li goristanê cenazeyê şervanê QSD’ê Xelîfe ji aliyê dehan welatiyan ve hate pêşwazîkirin. Piştre ji b bîranîna şehîdan deqîqeyek rêz hate girtin û merasîmeke leşkerî hate lidarxistin.

Piştre Hevseroka Komîteya Parastinê ya Tebqayê Fatma Reşo, Endamê Rêveberiya Komîteya Karûbar û Malbatên Şehîdan Abdullkerim Ehmed, Hevserokê Meclîsa Zagonsaz a Tebqayê Hamîd Ferec axivîn, sersaxî ji malbata şehîd re xwestin. Axaftvanan gotin wê Efrînê ji destê dagirkeran rizgar bikin.

Piştre nasnameya şervanê QSD’ê Elai Xelîfe hate xwendin û radestî malbata wî hate kirin. Cenazeyê şervanê QSD’ê bi dirûşme û tilîliyên dayikan li goristanê hate veşartin.