Cenazeyê şervanê Hêzên Sûriya Demokratîk (QSD) şehîd Goran Amûde  (Salih Xelîl) yê 3'ê Cotmehê di êrîşa balafira bêmirov a dewleta Tirk a dagirker de şehîd bûbû, li Goristana Şehîd Îsmaîl Hogir a li Amûdê hat veşartin. Bi sedan şêniyên bajarê Amûdê yê Kantona Cizîrê tevlî merasîmê bûn. Di merasîmê de wêneyê şehîd hatin hildan û bêyî navber dirûşeyên “Şehîd namirin” hatin berzkirin.

Li goristanê endamê rêveber ê Meclîsa Malbatên Şehîdan a Amûdê Mihemed Ehmed axivî û got: "Em sersaxî ji malbata şehîd re dixwazin û soz didin ku li ser şopa wan bin."

Dûre wesîqeya şehadetê hate xwendin û cenazeyê şehîd di nava tilîliyên dayikan de hate veşartin.