Cenazeyê şervanê Hêzên Sûriya Demokratîk (QSD) Hemîd El Mûsa ku 23ˊê Gulanê li Dêrazorê şehîd bibû, li Şedadê hat veşartin. Bi sedan xelkê Şedadê û bajarokên wî, malbatên şehîdan, endamên saziyan, rêveberiyên sivîl, komîteyên perwerdê û QSDˊê tevlî merasîmê bûn.

Di merasîmê de endamê rêveber ê Meclîsa Malbatên Şehîdan a Şedadê Ewde El Hisên axivî û got: "Em sersaxiyê ji malbata şehîd Hemîd El Mûsa re dixwazin."

Endamê Nivîsgeha Têkiliyên Leşkerî ya Şedadê Mihemed El Edîb jî axivî û got: "Hemîd El Mûsa di dema li ser erka xwe ya parastina xak û rûmetê de rûmeta şehadetê qezenc kir."

Merasîm bi dirûşma “Şehîd namirin” bi dawî bû.